میں سب سے پہلے تو خُداوند کا شکر گزار ہوں جس نےمجھے اَپنے عظیم فضل
کے وسیلہ سے چُنا اورمیری روحانی آنکھیں کھولیں اور اُس کے بعد
کلیسیائے پاکستان اورعالمگیر کلیسیا کاممنون ہوں کہ اُس نےمجھے
خُداوند کا خادم جانتے ہوئے اِس لائق سمجھا کہ اُن کے سوالات کے مناسب
جوابات دے سکوں۔ میں اپنےغیرمسیحی رُفقا کا بھی ممنون ہوں کہ اُنہوں
نے بھی بعض بڑے مشکل سوالات پوچھے جن پرمجھے کافی محنت کرنا پڑی اور
پھراِس لائق ہوا کہ زبانِ قلم سے اُن کے مناسب جوابات دے سکوں۔
چند نوجوانوں کے تعاون سے یہ ویب سائٹ تیار ہوئی اور میں نے مناسب جانا
کہ اُن سوالات کے جوابات کو اپنی ویب سائٹ پر ڈالوں تاکہ مسیحیوں اور
غیر مسیحیوں غرضیکہ ہر خاص و عام کی مناسب مدد ہو سکے۔میرا یہ جوابات
لکھنا کوئی محاذ کھڑا کرنا نہیں بلکہ کلیسیا کو زیورِ عِلم سے آراستہ
کرنا ہے۔میرا کوئی مقصد نہیں کہ اِن سوالات کے جوابات کے برخلاف کوئی
کتاب لکھ کر وقت کا ضیاں کریں۔میری دُعا ہے کہ خُداوند آپ کو اپنی
بھاری برکات سے ہمکنار فرمائے ۔ آمین۔
نوٹ........کسی
بھی سوال کا جواب دیکھنے کیلئے سوال کو کلِک کریں
